PROXECTOS

Nesta páxina poderedes ir coñecendo os diferentes proxectos que realizaremos este curso 2016/2017.

 ➤ O primeiro deles é o Proxecto Semente no que participan os alumn@s de 4º e 5º de primaria. Este programa educativo promove a adquisición da competencia emprendedora e o traballo en equipo creando e xestionando unha cooperativa escolar. Contan coa axuda das súas tutoras e doutros guías que lles explicarán diferentes conceptos relacionados co mundo empresarial.: lexislación, publicidade, etiquetado, envasado... Precisamente a primeira fase deste proxecto comezou cunhas clases teóricas nas que coñecemos algúns destes conceptos.






Despois buscamos un nome para a empresa e creamos o noso logotipo. ¡ Fiore!   







Posteriormente realizamos os trámites de toda empresa: eleximos os cargos de presidente, secretario e tesoureiro por votación, elaboramos unha acta de constitución da nosa cooperativa e estatutos e procedemos á firma de ditos documentos.




Nos nosos obradoiros imos realizando os produtos que venderemos no mercado o 26 de maio. Aquí nos podedes ver traballando.











Un dos últimos pasos antes de poder comercializar cos nosos produtos o próximo 26 de maio, é conseguir  a licenza de venda. Algo que fixeron o presidente, tesoureiro, secretario e suplente da cooperativa o pasado mércores (26 de abril). O presidente da cooperativa tivo que realizar un pequeno discurso para solictar a licenza ao noso alcalde, Xulio Ferreiro. Aquí vos deixamos algunhas das fotos da experiencia e o enlace da noticia dixital:

Ferreiro entrega las primeras licencias de venta a los participantes del Proyecto Semente







➤ O segundo dos noso proxectos, o comezamos coa entrada da primavera: o noso pequeno horto. Con el, ademais de coñecer as partes dunha pranta e observar as diferentes fases dende a plantación ata a recolección ou recolleita, desenvolveremos a intelixencia naturalista. Neste proxecto participarán dun xeito especial os alumnos de Infantil e primeiro de Educación Primaria.


Na primeira fase comezamos co coidado dunhas poucas plantas que iremos aumentando ao longo do trimestre. Temos dúas plantas de fresóns, unha de fresas e unha planta de herba aromática: a hierbabuena. 






Cos coidados dos nosos nen@s as nosas plantiñas están crecendo: nacen novas follas e flores e tamén crecen de tamaño as nosas fresiñas.







A segunda fase é a plantación dalgúns dos alimentos máis coñecidos polos nenos. Ao primeiro curso de primaria tocoulle a das patacas. Aquí vos deixamos un resumo de como as plantamos entre todos.





Aquí podedes observar as sorpresas que nos dan as nosas plantiñas cada luns xa que ao pasar varios días sen velas notamos máis o seu crecemento.




Esta semana (última de abril), os alumnos de Infantil plantaron leitugas de dous tipos: a variedade folla de roble e a tipo romana.




Ademais xa puidemos probar as nosas fresiñas. Estaban riquísimas!!!!!






No noso último e gran proxecto: O poder da auga participan todos os alumn@s do cole, dende Infantil ata 6º de Primaria e consta de catro etapas: carreira solidaria "Gotas para Níger", Proxecto lingüístico, Día da Ciencia na rúa e excursión fin de curso.

✹A primeira comenzou co día Mundial da Auga (22 de marzo) e a súa respectiva carreira solidaria " Gotas para Níger". Con ela coñecemos onde estaba situado ese país e o por qué desa pequena axuda para mellorar o acceso dos nenos de Níger a auga potable, algo que para nós é algo tan sinxelo como abrir un grifo. Ademais coñecemos a importancia de non malgastar a auga xa que é moi importante para a vida de todos os seres vivos. Como xa sabedes podedes ver as fotos da carreira na entrada específica do blogue.





✹ A segunda é noso proxecto lingüístico de todos os anos que nos serve para coñecer un pouquiño máis da nosa cultura galega. Nesta ocasión o fío condutor foi as profesións relacionadas co mar, fonte de vida e traballo. Aquí podedes ver os diferentes murais que fixeron os nen@s do cole.














✹ Como xa sabedes, o pasado sábado 6 de maio celebramos o día da ciencia na rúa. Con este día preténdese achegar a ciencia a grandes e pequenos dun xeito festivo e divertido. O noso cole participou por segundo ano co tema da auga. Esta é a terceira fase do proxecto O poder da auga.  Ademais de traballar contidos das ciencias, desenvolveron a intelixencia lingüística explicando os experimentos e a teoría relacionada con eles dun xeito excepcional a xente que visitaba a nosa jaima.Aquí vos deixamos algunhas fotos dese día.
















No hay comentarios:

Publicar un comentario